হুরুবেলার দিন - পরিতোষ ঘোষ চৌধুরী

হুরুবেলা পোয়া- পুরি মিল্লা আমরা
   কি সুন্দর খেলাইতাম।
আম, জাম বরই আমরা -
লুকাইয়া লুকাইয়া খাইতাম।
জংগল থাইক্কা বেতের গুডা
ছাগির বড়ি, আইন্না আইন্না খাইতাম।
গুল্লাছুট, দারিয়াবান্ধা ও বন্দি কুতকুত -
  খেলা খেলাইতাম।
ঠালি- মুছি লইয়া আমরা
    রান্না বান্না করতাম।
পুতুল কন্যা সাজাইয়া আমরা
  বিয়া সাদী দিতাম।
দল বাইন্দা কুস্কুনিত গিয়া আমরা
  হাতার কাটীতাম।
লুকালুকি খেলতাম আমরা
না পাইলে টুক-কু-ত দিতাম
জালি বরশি দিয়া আমরা-
   মাছ ধরিতাম।
মেরাগুডা- জাম্বুরা দিয়া-  
ফুটবল খেলাইতাম।
হুরুবেলা কি যে আমরা 
  আনন্দ করিতাম।
আবার যদি এইসব দিন
আমরা ফিরে পাইতাম।।

পরিতোষ ঘোষ চৌধুরী । সিলেট, বাংলাদেশ